2016年7月18日 星期一

輸錢是贏錢的必然成本

記得考CFA時,有一Part講投資心理,其中有一個特別深刻,叫"Risk Aversion"。人性惡輸愛勝,贏就快快止賺,輸就希望坐到返家鄉之日。

問人投資點先算係叻,大部份人覺得是長勝、常勝,很少人會從贏時贏幾多,輸時輸幾多去看。

據Y兄的Back test 結果,勝率同回報率有一種Trade-off 關係。例如,想要高勝率,只要每次賺少少就止賺,輸就死坐,勝率就自然會高。但聰明的Blog友,自然會想到,只要一兩次大的Drawdown,就可以將你好多次贏的獲利一次過輸突。所以,投資新手追求的是「勝率」,買認為是穩陣的股票,輸就死都唔止蝕,就算買中有得贏的股票,都未必補得上某一兩隻股票的大Drawdown。

「咁簡單啦,掉番轉,以後贏就死坐,輸就急急腳止蝕咪得」道理雖然易明,但這樣執行極度違返人性,試想像,如果一種交易策略是不斷輸錢(儘管每次輸好少),你是否具備心理質素可以捱到大勝的一次? 相信很多人早已經質疑自己的策略是否可行。

投資就如籃球比賽,即使波神米高佐敦的公牛,也沒有可能一球不失地打出100:0的賽果。索羅斯的前CIO Scott Bessent 就曾經Comment過索佬的勝率可能三成都無,但索羅斯就有一句金句: 對與錯並不重要,最重要是對的時候贏幾多,輸的時候又輸幾多。

對於輸贏,Y兄給我還有一種看法:「出場比進場重要」。有人會認為,成功的投資在你買入的時候已經決定,買岩靚位個「勢」就在投資者身上,所以很多人喜歡撈低。但其實在你買入之後,你就已經失去控制權,市場可以選擇升或跌。投資者真正可以控制的其實是「出場」: 止蝕或止賺。止蝕控制自己的Drawdown,相反控制止賺的慾望坐利潤,「贏谷輸縮」正是上面談到的交易之道。

13 則留言:

  1. 對, 個人認為, 決定賣出的時間, 比決定買入, 困難很多. Seth Klarman也說過, 賣出的時機最難決定.

    回覆刪除
    回覆
    1. 對,有耐性去坐利潤真係好難

      刪除
  2. 所以賭波賭馬容易過炒股,完場時間就是出場時間,不用煩。

    回覆刪除
  3. 「咁簡單啦,掉番轉,以後贏就死坐,輸就急急腳止蝕咪得」
    流星不覺得這是可行之策,因為這其實不是人性不人性的問題,因如果股價未來走向是不可預測的,這種方法其實同「未掉番轉」前一樣,不見得哪一個方法比較優勝,除非能提出嚴謹的統計結果支持。其實「贏谷輸縮」與「贏縮輸谷」一樣,只是心態及交易方法上的不同,沒有優劣之分。

    「出場比進場重要」
    這點流星也不認同,其實出場及進場同樣重要,兩個動作都各自需要不同的心態及技巧,而止蝕/止賺也不見得是什麼高明的策略,至少沒有證據顯示採取「止蝕/止賺」後會令你的回報變得比較好。

    根據流星所見,以上提到的說法其實亦常見於坊間的財演,實際幫助不大,投資者還是把時間花在有意義的研究較好。

    回覆刪除
    回覆
    1. 「贏縮輸谷」本身是一個逆勢的行為,除非非常有把握自己的研究正確,否則我覺得很危險。「贏谷輸縮」,虧損時起碼已經止蝕離場,而且走勢與自己分析相反,首先已可Trigger自己重新檢視理據。

      止蝕確是沒有令回報變好,但卻可令人在市場生存更久。

      刪除
  4. 同意,輸錢是投資必要的其中一個過程, 要把輸錢控制在可控的範圍內, 不要傷及元氣, 是投資成敗的關鍵!

    回覆刪除
    回覆
    1. 要在市場生存首先就要控制虧損。然後,就是要有耐性坐利潤,更高手者是在正確的倉位上加倉。呼,我也是在整理學習中呢。

      刪除
  5. 回覆
    1. 多謝。其實老散我框架還不紮寫,希望可以透過寫作整理一下思路。

      刪除
  6. Manfred_1234

    以前看過一本書,叫何時賣出股票,搬家時已扔掉,大概意思是當感覺良好時賣掉股票(即有賺時),今時今日,仍然奉行這方法,有錢賺便沽,不會回頭(因大多之後都屢創新高),否則會好辛苦。

    奉行止蝕,是自己97至04年的投資策略,賺的沒有幾隻,大都是不停止蝕。之後幾乎甚少止蝕,反而開始有錢賺,當然組合中仍有不少悵面輸很多的,就當睇佢唔到(如思捷,今日雖然大升,但應該不會持久,而且自己平均買入價是15元以上)。

    回覆刪除
    回覆
    1. Manfred兄, 止蝕是整套投資框架、操作手法其中一環。如果其他投資贏足以補上虧損,當然不需要止蝕(例如1勝4負, 1勝的回報等於4負)。最怕是唯一的1勝卻早早止賺。

      刪除
  7. tam1234hk

    我認為呢點refer番去散戶兄前文既「框架」
    呢位Y兄係trader,應該係玩quantitative睇短線, 所以對佢既策略黎講止蝕/止賺係好合理既做法, 原理等同買馬賺大錢個d統計學教授既玩法, 冇可能單天保至尊
    但對以長線持有為基礎既基本面投資者黎講, 其實10次中6次係超級高手, 中4次已經係超班, 如果要賺錢, 個重點唔係贏幾多次, 而係贏個陣贏幾多, 輸幾多完全唔重要, 咁既情況下止賺係斷自己米路
    另一方面,玩基本面既又冇話唔可以做短線操作, 如是者個玩法又唔同
    做法岩唔岩, 完全係depends on你運用既framework

    工欲先善事,必要利其器,我認為投資者第一件要做既事就係認清自己既優勢,弱點同性格去決定適合自己既framework
    學你咁講, 有幾多人捱到QQ升100倍?10年時間都唔係短, 冇心力又想試下既, 咪自己諗下辦法, ie將個盤打散d,減輕心理壓力, 但如果你有心力又有信心既, 咁咪重手d囉, 最緊要知道自己做緊咩

    絕大部分成功投資者都受前人啟發,但唔見得要100%跟足, 書係要睇, 但當係四十二章經咁死讀爛讀又唔見得有咩意思, 你又唔係佢, 巴菲特有兩萬種方法變新錢出黎投資,你有冇?

    回覆刪除